Skjåk kommune er svært fornøgd med responsen på spørjeundersøkinga. Om lag 550 personar har svara! Det er gledeleg at mange yngre har delteke aktivt og vist stort engasjement rundt arbeidet vi driv på med. Vi er svært tilfreds med at vi valde å bruke opne spørsmål, da dette har gjeve folk moglegheit til refleksjon og til å kome med det dei har på hjarte.

Fristen på å svare på spørjeundersøkinga var 9. april, og vi er nå i full gang med å systematisere svara som har kome inn.

Her er nokre sitat frå spørjeundersøkinga:

• Det var både befriande og inspirerande å få uttrykke seg om Skjåk og tankane kring bygda si framtid. Det tvang seg fram nokre synspunkt og idear eg ikkje visste at eg satt inne med.
• Gode spørsmål som inviterte til refleksjon.
• Skal eg flytte til Skjåk må eg byte kjerring, det har eg ingen planar om.
• Gode foreldre og trygghet. Desto meir eg reiser og bur i inn og utland desto meir er eg bestemt på å flytte tilbake. Og naturen er jo det som rammer inn det fine bildet.. 

Alt om strategiarbeidet