Skjåk beite- og sankelag treng hjelp til nedsanking av sau i Reinheimen

Skjåk har dei seinare åra fått eit auka problem med tap av sau til jerv. Som ei fylgje av dette er det planlagt tidlegsank i Reinheimen i samarbeid med Statsforvaltaren. 
Til dette treng vi mykje folk. Sankinga vil foregå frå dags dato, og spesielt desse fyrste dagane fram mot 1. september, er det bruk for mykje ressursar. 
Oppdraget er betalt. Har du moglegheit til å vera med ein eller fleire dagar, ta kontakt så fort som råd med Susanne Brenna i Skjåk beite- og sankelag på tlf 48125813.