Vi er glade for å invitere dykk alle til den offisielle opninga av varmtvassbassenget i Skjåk, eit  tilbod som er til glede for store og små. 

Det blir teknisk omvising kl 12 og kl 14 og familiefest kl 17. Her blir det konkurransar og moro for heile familien.

Nyt kaffi, vaflar og bollar med den smakfulle Anno-osten – alt servert frå den populære Anno-tilhengaren som er plassert inne i Skjåkhallen denne dagen.

Ta med deg godt humør og bli med på ein minnerik dag for bygda! Ta med badesaker om du vil bade, det blir også høve til å sjå den "nye" svømmehallen for dei som ikkje vil bade.

Kvar: Skjåkhallen. Når:  Fredag 7. mars. Arr: Skjåk kommune

Skjåkværar i Amerika

Utstillinga er laga i samband med  Utvandrarjubileet i 2025 og markerer at det er 200 år sidan den fyrste utvandringa til Amerika tok til. Utstillinga inneheld fleire namna bilete på lerret av skjåkværar og blir opna måndag 3. mars under SOLfestivalen. Utstillinga heiter “Røter i Skjåk - greiner i Amerika”.

Arr: Skjåk historielag. Kvar: Skjåk kommunehus. Når: 3. mars – 20. august 2025

Det er barnehageungar frå Skjåk som lagar den populære SOLutstillinga på kommunehuset.  I år blir utstillinga opna 3. mars under SOLfestivalen.

Kvar: Skjåk kommunehus. Når: 3. mars – 9. mars

Ingvil Skeie Ljones

Velkomne til ein konsert som er til glede for barn, vaksne og besteforeldre. Her får duhøyre kjende og kjære songar som heile familien kan syngje med på.  I folkesongen og eventyra er det spennande historier om folk og dyr, rare hendingar og artige påfunn. Bli med inn i historiene om riddarar, jomfruer, kvardagsheltar og sjarmørar.

Camilla Granlien har vunne Landskappleiken i Vokal kl A heile tre gonger og ho har motteke Kongepokalen for songen sin. Ho har turnert med og utan band, ho har spelt musikk for folk i alle aldrar og ho har jobba som frilans folkesongar, musikar, låtskrivar og kulturformidlar i 20 år.

Arr: Jakupscena. Kvar: Skjåk folkebibliotek. Når: Laurdag 8. mars kl 12.

Maria vil syne deg korleis du kan dyrke grønsaker på liten plass. Du får praktiske tips til korleis du på kort tid og med enkle grep kan etablere ein fullverdig kjøkkenhage ved hjelp av t.d. pallekarmar. Du får også tips til korleis du kan få fleire avlingar på ein sesong. Visste du at 12 pallekarmar kan gje opptil 100 kg grønsaker på ein sesong? Eigenproduserte grønsaker smakar forresten heilt fantastisk. Kom og få tips til korleis du kan forvandle ein liten hageflekk til ditt eige beredskapslager.

Visste du at du kan lage næringsrik og miljøvennleg jord av matavfallet ditt? Med bokashi kjøkkenkompost kan du lage jord av alt matavfall; enkelt, raskt og utan vond lukt. Du treng to lufttette bøtter, bokashistrø og litt jord.

Kvar: Skjåk folkebibliotek. Når: Torsdag 6. mars kl 18

DNT Gudbrandsdal

DNT Gudbrandsdalen inviterer til isbading ved Dagsturhytta i Bismo under trygge rammer. Dei melder at det har vore fleire vellukka isbade-arrangement i Skjåk i vinter, og at stadig fleire ynskjer å teste om dette er noko som freistar til gjentaking.

På bilete ser du ein "hælåg" skjåkvær som isbadar og kosar seg ved dagsturhytta i Bismo.

God bading!

Kvar: Ved dagsturhytta i Bismo. Når: 5. mars kl 18.  Arr: DNT Gudbrandsdal

Synnes Venleik og Velvære
- har tilbod på SOLkrem denne veka.

Akantus Blomster 
-  på Skjåk kjøpesenter melder at dei har SOLstikk denne veka med fleire gode tilbod. Fylg med på facebooksida deira.

Skjåk kjøpesenter 
- skal pynte med fine SOLer og har fleire gode tilbod denne veka.

Godbiten Cafe
- på Skjåk Kjøpesenter melder at dei har tilbod på SOLbollar og kaffi denne veka.

Fjellbit
- Ragnhild melder at ho har tilbod på SOLblomesåpa Ringblomstsåpe denne veka til kr 99 i nettbutikken: Fjellbit.no. I tillegg vil det vere tilbod om fri frakt til alle postkasser i Skjåk.

Meld frå om du har noko du ynskjer å ha med her.