Grunna sprengingarbeid blir arbeidstidene i Oppljos-, Grasdal- og Ospelitunnelen utvida f.o.m. måndag 12. oktober.
Oppljos-, Grasdal- og Ospelitunnelen på rv.15 er under oppgradering, og det skal no sprengast ut nye snu-nisjar for brøytebilar i alle tre tunnelane. Dette arbeidet vil skje parallelt med utskiftinga av lysanlegg, som er i gang. I samband med sprenginga lyt tunnellane stengast i lenger periodar av gangen. Arbeidstidene i tunnelane vert difor utvida f.o.m. måndag 12. oktober.
På vekedagar vert det no arbeid i tunnelane nesten heile døgnet, frå kl. 07:00 til 05:00 følgjande morgon. Laurdagar blir arbeidet avslutta kl. 19:30. Søndagar i partalsveker startar arbeidet att kl. 17:00, medan det på søndagar i oddetalsveker vert fri ferdsle heile dagen og natta.
På dagtid (til kl. 20:00) vert det styrt trafikkavvikling med kolonne kvar heile klokketime. På dagar med nattarbeid vert tunnellane stengde mellom kl. 20:00 og 05:00, med opning for gjennomkøyring i kolonne kl. 22:00, 23:00, 00:00 og 03:00.
Rutebussar og utrykkingskøyretøy slepp gjennom med minst mogeleg venting.
Desse arbeidstidene vil gjelda fram til nyttår.
Oppgraderinga er venta å vera ferdig sommaren 2021.
Arbeidstider 12. oktober – 31. desember 2020
Måndag–fredag: 07:00–05:00 følgjande morgon
- 07:00–20:00 Styrt trafikkavvikling med kolonnekøyring kvar heile klokketime
- 20:00–22:00 Stengt
- 22:00–00:00 Kolonnekøyring med opning kvar heile klokketime.
- 00:00–03:00 Stengt
- 03:00 Kolonne
- 03:00–05:00 Stengt
- 05:00–07:00 Ope for fri ferdsel
Laurdag: 07:00–19:30
- Styrt trafikkavvikling med kolonnekøyring kvar heile klokketime
Søndag i partalsveker: 17:00–måndag 05:00
Søndag i oddetalsveker: Ope for fri ferdsel.
Kontaktperson
Sveinung Hovland
Tlf. 97517080