Over heile Norge har ei rekke arrangement innan idrett, kultur og frivilligheit vorte avlyst, utsett eller stengt. Krisepakka, ei stor kompensasjonsordning på ein milliard kroner, er meint å avhjelpe situasjonen.
Det blir opna for søknadar 14. april, men allereie nå ligg det mykje god informasjon, vegleiing, og spørsmål og svar på nettsidene til Lotteri- og stiftelsestilsynet og Kulturrådet, som forvaltar dei to ordningane.
Lotteri- og stiftelsestilsynet har den delen som rettar seg mot idrett og frivilligheit (inkludert kulturfrivilligheit). Kulturrådet har den delen som rettar seg mot arrangørar i kultursektoren.
Arrangørar i frivillig- og idrettssektoren som har avlyst, stengt eller utsett arrangement som følge av råd eller pålegg frå styresmaktene i samband med koronaviruset kan få kompensasjon, jf. forskrift om midlertidig kompensasjonsordning for arrangører i frivillighets- og idrettssektoren vedtatt 3. april 2020.
Det er sett av 700 mill. kroner til kompensasjonsordninga for idretten og frivilligheita (inkludert kulturfrivilligheita). Ordninga blir forvalta av Lotteri- og stiftelsestilsynet. Det blir lagt opp til rask søknadsbehandling og utbetaling av kompensasjonen.
OBS! Lotteri- og stiftelsestilsynet kjem til å opne for søknader og legge ut søknadsskjema 14.april. Sjå rettleiarar og informasjon på nettsidene til Lotteri- og stiftelsestilsynet, slik at søkarane kan førebu seg best mogleg.
Søknadsfristen er 21.april 2020
Les meir om desse ordningane på deira nettsider www.lottstift.no og www.kulturradet.no