Takk til alle som bidrog til Hausttakk 2022
Tusen takk til alle som bidrog til årets Haustakk i Skjåk. Takk for maten. Takk til alle utstillarar, i år var dykk rekordmange. Takk til dugnadsgjengar frå Skjåk barne og ungdomsskule og alle andre som bidrog, fenomenalt. Takk til Heidal Husky for artig og fartsfylt aktivitet. Takk til Lom og Skjåk kulturskule for framifrå musikk. Takk til Helge Skjåk. Takk for kommunikasjonsvalsen. Takk for nesten 100% fiber dekning. Takk for besøket til Statsforvaltaren, alle 4 ordførarane i Ottadalen og alle dykk andre som kom!
Skjåkgrynsalat
Vedlagt her finn dykk også oppskriften på Skjåkgrynsalat, servert på Hausttakk.
Varm – energi og fiberrik Skjåkgrynsalat.
Ingrediensar
- 300 g Skjåkgryn
- 3 dl Kvitvin
- 5 dl kraft eller buljong
- 1 stk lauk
- 500 g gulrot Frå Søre Hosar
- 500 g kålrot frå Søre Hosar
- 200 g pastinakk frå Sygard Forberg
- Grønkål frå Sygard Forberg.
- 1 stk purre frå Sygard Forberg
- Honning frå Fjellbit
- Sæterparmesan frå Brimi Sæter
- Aromasopp
- Salt og pepar
- Sukkererter frå Søre Kvåle
Garnityr:
Spekepølse frå Skjåk. Bruk den du lagar sjølv eller likar best. Vi har mange spekepølser i Skjåk! Mikrogrønt frå Tyt uttu, som prikken over i'en.
Slik gjer du:
- Legg byggryna i vatn nokre timar, gjerne natta over.
- Finhakk lauk. Fres den blank i smør.
- Skyl byggryn i kaldt vatn og la det renne godt av seg. Fres gryna saman med lauken i eit par minutt. Tilsett kvitvin og kraft eller buljong og kok opp. Senk varmen og sett på lokk. La gryna koke i om lag 20 minutt til dei er møre, men har litt tyggemotstand. Fyll etter med kraft om det trengs.
- Skrell og kutt gulrot og kålrot i terningar. Kok dei til dei er møre men har litt tyggemotstand.
- Ha grønkål i steikepanne saman med smør og honning og steik til det fell saman.
- Steik lett purre i steikepanne.
- Kutt soppen i småe bitar og steik i smør.
- Del sukkerertene i skiver.
- Bland alle grønsakene med Skjåkgryn.
- Rasp osten og ha i salaten.
- Smak til med salt og pepar.
- Strø over Mikrogrønt frå Tyt Uttu og strimla spekepølse frå Skjåk.