Friskus i Skjåk

Deltaking i fritidsaktivitetar gjev moglegheit til å gjere noko saman med andre, vere ein del av eit fellesskap, få nye vener, vere aktive, lære noko nytt og oppleve meistring. Ordninga er eit verkemiddel for å realisere Fritidserklæringa om at alle barn og unge skal få delta på fritidsaktivitetar saman med andre, uavhengig av sosioøkonomisk bakgrunn. Friskus i Skjåk skal bidra til at alle skal kunne delta på fritidsaktivitetar. 

Tillitsbasert ordning

• Friskus i Skjåk er ei tillitsbasert ordning som er enkel å bruke.
• Foreldra søkjer om tilskottet på vegne av ungane sine, og får tilskotet på bankonto.
• Pengane skal uavkorta brukast til fritidsaktivitetar for ungane.

Kven kan delta på Friskus i Skjåk?

• Barn og unge mellom 6 og 18 år med folkeregistrert adresse i Skjåk kommune.
• Syskjen får eitt Friskus i Skjåk tilskott kvar. Tilskotet pr barn er på kr 1000,-.
• Pengane frå Friskus i Skjåk høyrer til kvart enkelt barn og pengane skal kun gå til fritidsaktivitetar!
• Ordninga er tillitsbasert, det vil bli nokre stikkprøver for bruken av midla. Ta vare på kvitteringar som er relatert til ordninga.
• Friskus i Skjåk gjeld i perioden oktober 2024- utgangen av mai 2025.
• Ordninga vil bli evaluert for å sjå om dette kan bli ei varig ordning, om retningslinene skal justerast og vurdering av korleis ordninga eventuelt skal finansierast vidare.

Kva for aktivitetar kan Friskus i Skjåk midlar gå til?

• Organiserte og eigenorganiserte kvardagsaktivitetar.
• Deltakaravgift på ein eller fleire aktivitetar inntil kr 1000,- pr unge.
• Treningsavgift, kontigent, årskort, riding og liknande.
• Kino, go-cart eller andre eigenorganiserte aktivitetar.
• Deltaking på turneringar og organiserte ferietilbod.
• Kulturskulen.

Sportsutstyr, instrument mv. skal ikkje dekkjast av Friskus i Skjåk midlar. Hugs at Skjåk IL låner ut mykje utstyr (BUA -opnar november 2024).

Logo