Fallvilt og påkøyrt vilt i Skjåk

Alt hjortevilt som døyr utanom ordinær jakt blir registrert i hjorteviltregisteret som fallvilt. Det høgaste talet på fallvilt hadde vi i 2018, da var det mykje snø også nede i bygda og mange dyr dauda på vinteren og våren.

 Det er relativt mange påkøyrslar i Skjåk, ofte mellom 40 og 60 pr år. For fem år sidan var det heilt oppe i 85 påkøyrslar. Det var nokre færre påkjørslar i 2024 enn året før. Det var særleg nedgang i talet på elgpåkjørslar. Normalt er det elg og rådyr som er involvert i flest påkøyrslar, men dei tre siste åra har det vore påkøyrt like mange hjort.

 Ved store snømengder beitar hjorteviltet meir på innmark lågt i terrenget. Da blir det som regel fleire kryssingar av vegar og fleire påkøyrslar. God siktrydding er eit tiltak som kan bidra til færre påkøyrslar.

 Om lag halvparten av dei dyra som blir påkøyrd daudar. Om dei ikkje er øydelagt i påkøyrselen kan dei bli brukt til mat. Dei må i så fall bli godkjend av mattilsynet ved eit godkjent viltbehandlingsanlegg. Dette gjer det kostbart og utfordrande å utnytte vilt som er påkjørt til mat. Dersom t.d. vomma er sprukke eller dyret har dauda før fallviltpersonell kjem fram til påkøyrselstaden, vil dyret uansett ikkje kunne bli godkjent. Dei som ikkje blir brukt til mat kan bli brukt til åte eller bli liggjande i skogen og brytast ned naturleg.