Ekstraordinær tildeling til kommunalt næringsfond
Skjåk Kommune har fått tildelt ca. 1,5 millionar i ekstraordinært tilskot til kommunale næringsfond.
Midlane skal forvaltast i tråd med "Midlertidig forskrift om tilskudd til kommunale næringsfond som følge av covid-19-utbruddet".
Kort om ordninga:
- Tilskotet kan gjevast til bedrifter eller andre næringsaktørar
- Tilskotet skal normalt ikkje overstige 50%, og aldri over 75%
- Støtta skal ikkje gå til drift eller til bedrifter i "økonomisk vansker"
- Midlane skal nyttast til bedriftsretta støtte og til andre næringsretta tiltak som kommunane meiner er viktige for å motverke negative verknader av korona-viruset
- Betydninga av arbeidsplassar, verdiskapning og økonomisk aktivitet skal vektleggjast
- Søknadsskjemaet er tilgjengeleg her
I vurderinga av søknadane om tilskot skal det leggjast vekt på:
- I kor stor grad tiltaket fremmer auka aktivitet, sysselsetting og verdiskaping basert på lokale utfordringar
- I kor stor grad bedriftsretta tiltak, tilskot til etablerarar og andre næringsretta tiltak kan motverke negative verkningar av Covid-19-utbrotet
- Kor raskt tiltaket kan settast i gong
Korleis søke om støtte?
Søknad gjerast elektronisk gjennom www.regionalforvaltning.no.
Merk: Søknadsfrist 19. oktober 2020
Kommunedirektøren si innstilling
- Eksisterande regelverk for bruk av næringsfondet (både retningslinjer og standardvedtekter) blir vektlagt i saksbehandlinga, så sant det ikkje er i konflikt med midlertidig forskrift for bruk av ekstraordinære kommunale næringsfond.
- Det blir lågare terskel for å gje støtte til investeringar enn det som er vanleg praksis.
- Alle saker blir handsama i formannskapet som er fondsstyret, uavhengig av storleik på beløpet.
- Det kan gjevast støtte til jordbruksbasert næring etter reglane i eksisterande næringsfond, men tiltak som gir auka sysselsetting og verdiskaping skal prioriterast.
- Andre støtteordningar (t.d. Innovasjon Norge) skal alltid vurderast fyrst.
Ta gjerne kontakt med næringssjef, Marianne Stensgård, dersom du har spørsmål. marianne.stensgard@skjaak.kommune.no / 909 41 702