Bismo barnehage samla inn totalt kr 6300.-Det er tredje året på rad at Bismo barnehage deltek på FORUT sitt prosjekt " Barn hjelper barn". Foreldrekafè for FORUT FORUT er ein bistandsorganisasjon som arbeider kontinuerleg for at barn i India, Nepal, Sri Lanka, Sierra Leone, Malawi og Zambia skal få eit betre liv. Gjennom forteljingar og filmar har dei eldste i barnehagen fulgt Nanah på 5 år og familien hennar i Sierra Leone. Som avslutning på dette arbeidet arrangerte dei i går foreldrekafe med innsamlingsaksjon, der pengane går til FORUT sitt arbeid. Det var mellom anna sal av mørelefser som barna hadde baka, eigenprodusert rips- og solbærsaft, kunstutstilling og matrettar frå 5 ulike kulturar. Maten var det fleire foreldre som hadde stått for, og her var det mykje godt å velje mellom. Her er fleire bilete: Publisert av Sigrun Eide Sist endret 04.10.2023 09.56